Вот текст с фотографии, переписанный без ошибок, с сохранением всех тувинских букв (ө, ң, ү):
АҢГЫР УНУ
Элдеп чуве тургулаар. Кажаалыгда кыштаг чурттан чазаглап көжкен бис. Чаш-Талдың эринге бистиң өөвүс хонупкан. Хар эрээн, ол хиреде Чаш-Талдың ээтпек черинге дош кылаңайнып чыдар. Изиг чурттан үнген аңгыр озалааш дошттуң кырынга хонупкан.
— Аңгыр эде берди, чанган куштар удавас келир — деп, кырган-азам омак-сергек чугаалаар:
Хөндергейниң салаа хеми Чаш-Талга часкы куштарның медеэчизин аңгыр болгай. Чазаг чуртка аңгыр эткен соонда өдүректер, кастар, сайлыктар, тааннар удаа-дараа көстүгүлеп келир.
Мен чаш чоруур шаамда изиг чурттардан чанып келген куштардыва боо-моңгу алынмас турган, ылаңгыя эжеш куштарның бирээзин өлүрери шуут хоруглуг турган. Аалывыс артында ажытталчак черде дугайланчак хөөлбекке өдүректер бо-ла чыглып келгилээр. Хөөлбек кыдыынга олургулаан өдүректер чанынга кеденгиирлеп чеде бергеш, бир-ле өдүректиң кудуруундан сегирип алыр чораан мен. Семис өдүрек элдепсине бергеш, чалгыннарын хииктелдир далдыраткаш, мендиве карактарын дозураңнадыр көргүлээр чуве. Хөөкүй өдүректи бичии када холумга чассыдып олургаш, бажын чымчаңнадыр сүйбагылааш, салып чорудуптар мен. Чашкы шаамда өдүректер кудуруу тудуп чорааным бир онзагай оюнум бооп арткан болгай.
